Osho Friends Kumbakonam: June 2023

Friday, June 30, 2023

சத்தியத்தை தேடும் உரிமை

யாராக இருந்தாலும் இளமையிலிருந்து ஏதாவது ஒரு மதம் அல்லது ஒரு தத்துவம் அல்லது ஒரு வேதாந்த சாஸ்திரம் இவைகளை கடைப்பிடிக்கும்படி கட்டுப்படுத்தப்படக் கூடாது. ஏனென்றால் அவ்வாறு செய்வதால் அவனது சத்தியத்தைத் தேடும் சுதந்திரத்தை அழித்து விடுகிறீர்கள். அவன் போதுமான பலம்பெற உதவுங்கள். அவன் சந்தேகப்படவும் அவனைச் சுற்றியுள்ள தொன்றுதொட்ட நம்பிக்கைகள் உதறவும் ஊக்கப்படுத்துங்கள். நம்பிக்கைகளை பற்றி எதையும் அவன் வெறுமனே நம்புவதற்கு ஒரு போதும் விட்டுவிடாதீர்கள். அவன் அவற்றை அறிவுபூர்வமாக அறிந்து கொள்ள உதவுங்கள். அத்தகைய தேடுதலில் என்ன நடந்தாலும் சரி, எவ்வளவு காலமானாலும் சரி, அவனே தனியாக அவனது புனித யாத்திரையை மேற்கொள்ளட்டும். எனென்றால் சத்தியத்தை அறிந்து கொள்ள வேறு வழியே கிடையாது.

தங்களை கிறிஸ்தவர்கள் என்றும் யூதர்கள் என்றும், இந்துக் நம்பிக்கைகளை பற்றி எதையும் அவன் வெறுமனே நம்புவதற்கு ஒரு போதும் விட்டுவிடாதீர்கள். கள் என்றும், முகமதியர்கள் என்றும் எண்ணிக் கொண்டுள்ள இவர்கள் எல்லோரும் வெறும் நம்பிக்கைவாதிகள்தான்; அவர்கள் எதையும் அறியமாட்டார்கள். -ஓஷோ

Wednesday, June 28, 2023

விண்மீன் அதிர்வுகளால் உடல் நலம் பாதிக்குமா?

புத்தம் புதிதாகப் பிறக்கும் குழந்தையின் புத்தம் புதிய மனதில், அந்த வேளையில் இயங்கும் ஒரு விண்மீன் அதிர்வு அழுத்தமாகப் பதிந்து விடுகிறது. வாழ்நாள் முழுவதும் அதனுடைய உடல்நலமும், சீர்கேடும், அந்த வீண்மீனின் அதிர்வுகளால்தான் உண்டாகிறது.

நீங்கள் பிறக்கும்போது, உள்ள விண்மீனின் அதிர்வுடன் உங்களுக்கு ஒத்திசைவு ஏற்பட்டால், நீங்கள் உடல் நலத்தோடு வாழ்வீர்கள். உங்கள் ஒத்திசைவு பிளவுபட்டால், உடல்நலம் கெடும்.

இந்த துறையில் பராசெல்சஸ் செய்த பணி மிகவும் முக்கியத்துவம் வாய்ந்தது. ஒரு நோயாளியின் ஜாதகக் குறிப்பைப் பார்க்காமல், அவர் மருந்து கொடுக்கவில்லை. அதில், நோய் குணமானது கண்டு மற்ற மருத்துவர்கள் குழப்பமடைந்தார்கள். ஏனென்றால், அந்த நோயாளிகள் மற்ற மருத்துவர்களால் முடியாது என்று கைவிடப்பட்டவர்கள்.

''ஒருவரது 'ஜன்ம நட்சத்திரம்' இன்னதென்று தெரியாமல், அவரது உடலின் உள் ஒத்திசைவை அறிய முடியாது. அது தெரியாமல், ஒருவரைக் குணப்படுத்துவது எப்படி?'' என்று அவர் கூறுவது வழக்கம். -ஓஷோ

பின் தொடரும் துன்பங்கள் ஏன்?

துன்பம் என்பது மனம் உற்பத்தி செய்பவற்றின் கிளை. மனதின் நிழல். துன்பம் ஒரு பேய்க்கனவு. தூங்கும்போதுதான் துயரம் வருகிறது. தூங்கிக் கொண்டிருக்கும் வரை தப்பிக்க மார்க்கமில்லை. அது வடிவங்களை மாற்றி கொள்ளும். அது இலட்சக்கணக்கான வடிங்கள் எடுக்கும் என்றாலும், அது இருந்து கொண்டேதானிருக்கும்.

துன்பம் ஒரு மனநிழல். மனம் என்றால் உறக்கம். மனம் என்றால் பிரக்ஞை இழப்பு. மனம் என்றால் விழிப்பின்மை. மனம் என்றால் நீங்கள் யார் என்பது அறியாமை என்றாலும், அறிந்ததாகக் காட்டி கொள்ளும்.

மனம் என்றால் நீங்கள் யார் என்பதை அறியாததோடு குறிக்கோள் இருப்பதாகவும் நடிப்பது. வாழ்க்கை என்றால் என்னவென்று அறிந்தது போலக் காட்டிக் கொள்வது. ஆனால் வாழ்க்கையின் அர்த்தமே புரியாதிருப்பது. எனினும் புரிந்துவிட்டது போல நம்ம வைப்பது.

சக்கரம் எருதைப் பின்பற்றிச் செல்லவது போல, மனம் நிச்சயம் துயரத்தையே கொண்டு வரும். -ஓஷோ

தம்மபதத்தின் முழு இரகசியம்

நீங்கள் யார் என்பதை உண்மையாகத் தெரிந்து கொள்ள வேண்டுமானால், சிந்தனையை நிறுத்தி மனமற்றுப் போவது எவ்வாறு என்பதைக் கற்றுக் கொள்ள வேண்டும். அதற்குத்தான் தியானம்.

தியானம் என்பது மனம் கடந்து செல்வது. மனதைக் கழற்றிவிட்டு மனமிலா வெளியில் பிரவேசிப்பது. மனமற்ற நிலையில்தான் இறுதி உண்மையான தம்மம் விளங்கும்.

மனதிலிருந்து மனமற்ற நிலைக்குப் போவதே காலடி வைப்பு. அதுதான் பாதம், பதம். தம்மபதத்தின் முழு இரகசியமும் இதுதான். - ஓஷோ.